Kosova prezantohet në Festivalin e Stambollit

“Meetings on the Bridge” është programi i dedikuar për industrinë e filmit të Festivalit të Stambollit, ku Kosova po merr pjesë me një grup producentësh.

Gjithashtu drejtori i QKK-së, Arben Zharku, sot në kuadër të prezantimeve të Qendrave të Filmit bëri prezentimin e mundësive që Kosova ofron për bashkëprodhime ndërkombëtare.

Pjesë e delegacionit të Kosovës është edhe zv.ministrja e Kulturës, Leonora Morina Bunjaku.

Festivali Ndërkombëtar i Filmit të Stambollit këtë vit shënon edicionin e 38-të dhe është një ndër festivalet më të mëdha në Ballkan.

Kosova dhe Turqia së shpejti pritet të nënshkruajnë marrëveshjen shtetërore të bashkëprodhimit në fushën e filmit, e cila pritet të hapë mundësi të mëdha bashkëpunimi në këtë fushë.