Kosova në hendboll, në grup me Austrinë e Italinë

Kombëtarja e Kosovës në hendboll në konkurrencë të femrave do të luajë në grupin e katërt të fazës së parë të kualifikimeve për Botërorin 2021.

Kosova është në një grup me Austrinë dhe Italinë. Shorti nuk vlersohet i lehtë, por synim i Kosovës do të jetë kualifikimi në fazën tjetër.
Dy vendet e para në grup dërgojnë në fazën tjetër.

Ndeshjet do të luhen prej 27 deri më 29 nëntor apo prej 4 deri më 6 dhjetor të këtij viti. Ndeshjet e grupit tonë pritet të luhen në Austri, shkruajnë mediat kosovare, përcjell albinfo.ch.