Kosova merr pjesë në takimin e bordit drejtues të PISA-s

Ministria e Arsimit, Shkencës dhe Teknologjisë në Kosovë ka marrë pjesë në takimin e Bordit Drejtues te Programit per Vleresimin Nderkombetar te Nxenesve në Australi.

Lajmin e ka bërë të ditur Valmir Gashi, këshilltar politik i ministrit të Arsimit në Kosovë.

“Momente nga takimi i Bordit Drejtues të Programit për Vlerësimin Ndërkombëtar të Nxënësve (PISA), që për disa ditë u mbajt në qytetin e bukur Adelaide, në jug të Australisë”, ka shkruar Gashi në Facebook.

Tutje, ai ka thënë se pritet që Kosova të ngritet në vende më të larta në testin PISA.

Falë përkushtimit të ministrit Bytyqi, angazhimit të MAShT, komunave dhe vet shkollave, Kosova pritet të renditet shumë më mirë se sa në PISA 2015”, ka thënë ai.

Përndryshe, në vitin 2015, Kosova u rendit pothuajse e fundit në këtë test vlerësues ndërkombëtar.