Kosova mbështet hetimet për zbardhjen e rrëzimit të një aeroplani më 2014

Qeveria e Republikës së Kosovës mbështet njoftimin e Ekipit të Përbashkët të Hetimeve për rrëzimin e fluturimit MH17, i cili thekson se katër të dyshuar do të ndiqen penalisht për krimet në lidhje me rrëzimin e fluturimit të Malaysian Airlines, të datës 17 korrik 2014. 

“Qeveria e Republikës së Kosovës u bashkëngjitet shteteve të Bashkimit Evropian dhe aleatëve të saj, duke shprehur mbështetjen e plotë për përpjekjet për zbulimin e së vërtetës dhe për t’u siguruar që do të vihet drejtësi për humbjen e jetës së 298 personave nga 17 shtete të ndryshme”, thuhet në komunikatën e Qeverisë, transmeton Klan Kosova, përcjell albinfo.ch. 

“Përgjegjësit për këtë ngjarje tragjike duhet të japin llogari”.