Cyrih: Ekspozita “Kontributi i Presidentit Rugova në shtetformimin e Kosovës”

Ministria e Diasporës dhe Investimeve Strategjike, më datën 21 janar në bashkëpunim me Muzeun e Kosovës, Konsullatën e Republikës së Kosovës në Cyrih, më rastin e 13-vjetorit të vdekjes së Presidentit Dr. Ibrahim Rugova hap ekspozitën me karakter historik “Kontributi i Presidentit historik Dr. Ibrahim Rugova në shtetformimin e Kosovës” me bashkautorë Sadik Krasniqi dhe Besnik Rraci.

Me këtë rast, zëvendëskryeministri i Kosovës, njëherësh ministër i Diasporës dhe Investimeve Strategjike, Dardan Gashi, që ka përkrahur këtë ekspozitë, u shpreh se “kjo ngjarje përkon edhe me frymën e veprimtarisë së Presidentit Historik dr. Ibrahim Rugova në rrugëtimin e Kosovës drejt lirisë. Në përvjetorin e vdekjes së Presidentit Rugova, u themelua edhe zyrtarisht Ministria e Mbrojtjes e Republikës së Kosovës, që është hallka më e rëndësishme pas pavarësimit të Kosovës, ideal për të cilin Presidenti ia kushtoi tërë jetën dhe karrierën e tij politike”.

Ish-Presidenti Rugova sot shënoi 13-vjetorin e vdekjes së tij.