Shkurt.ch

Komisioni për siguri i thotë po blerjes së aeroplanëve

14 anëtarë votuan pro blerjes së aeroplanëve luftrakë "Gripen,, 9 kundër dhe dy abstenuan

E mërkurë, 28 Gusht 2013 - 8:25 albinfo.ch

Komisioni për sigurinë politike i Dhomës Nacionale të parlamentit të Zvicrës është përcaktuar me shumicë votash në të mirë të blerjes së 22 aeroplanëve luftarakë suedezë, “Gripen”. 14 anëtarë votuan pro, 9 kundër dhe dy abstenuan, ka njoftuar kryetarja e komisionit, deputetja nga SP/PS, Chantal Gallade.

Në muajin prill po ky komision, e kishte shtyrë vendimin për miratimin e blerjes, me arsyetimin se i mungonin informacionet. Për këtë arsye ai kishte paraqitur një sëre kushtesh që duheshin plotësuar, si fjala vjen, garanci të ndryshme që duheshin përfshirë në marrëveshjen  për blerje me Suedinë.   

Ndërsa Dhoma e Kantoneve, nga ana tjetër në sesionin pranveror të parlamentit kishte votuar me diferencë të ngushtë në favor të blerjes së aeroplanëve, por, në mungesë të një vote, votimi nuk ishte i plotfuqishëm.

Zvicra, sipas marrëveshjes, për aeroplanët suedezë duhet të paguajë 3.126 miliardë franga.

 Të tjera nga Shkurt.ch

Ja pse Gjeneva paguan më shumë për barazimin financiar në vitin 2026

 E-Diaspora

 Jeta në Austri