Kanada, me vaksinat e para COVID-19

(Liam McBurney/Pool via AP)

Kanadaja filloi rrugën e saj të vaksinimit kundër COVID-19 të hënën, duke injektuar punonjës të kujdesit shëndetësor dhe banorë të moshuar në shtëpi pleqsh, duke u bërë vetëm kombi i tretë në botë që përdor vaksinën Pfizer / BioNTech.

Vaksina e parë e transmetuar në TV drejtpërdrejt shkoi për Anita Quidangen. Punonjësja në Rekai Center, një shtëpi pleqsh jofitimprurëse për të moshuarit në Toronto, qyteti më i madh i Kanadasë, tha se ajo ishte “e ngazëllyer” që ishte e para në radhë.

Punonjësit e shëndetësisë me maska ​​dhe pallto të bardha duartrokitën pasi ajo u injektua.

“Një lehtësim i shkëlqyeshëm, kjo und të jetë vetëm fillimi i fundit, por megjithatë e ndiejmë se do t’i jepet fund kësaj pandemie”, tha kryeministri Justin Trudeau, duke e bërë të qartë se ai nuk do të bënte presion që të merrte vaksinën menjëherë.

“Ne pa dyshim që duhet t’u japim përparësi më të prekshmëve, por kurdo që kam një shans – si të gjithë të rriturit e shëndetshëm – do ta marrë vaksinën me entuziazëm”, i tha ai transmetuesit në gjuhën frënge Radio-Kanada.

Kanada ka raportuar deri më tani 460,743 raste, shumica e tyre në Ontario – provinca më e populluar – dhe Quebec, përcjell tutje albinfo.ch.