Edhe kamionët e autobusët, me kontrolle të rrepta për ndotjen e ambientit

Sipas prodhuesve, masat e marra duhet të reduktojnë emetimet e automjeteve me 37,5 % midis viteve 2021 dhe 2030

Negociatorët e BE-së ranë dakord për të reduktuar emetimet e dioksidit të karbonit për kamionët dhe autobusët e rinj me 30% deri në vitin 2030, krahasuar me nivelet e vitit 2019.

Objektivat janë pjesë e përpjekjeve të BE-së për të arritur qëllimet e saj klimatike dhe për të kufizuar ngrohjen globale.

Shkarkimet e karburantit të automjeteve përbëjnë një përqindje të madhe të emetimeve në ndryshimet klimatike, transmeton “ATSH”.

“Objektivat dhe stimujt e rinj do të ndihmojnë në adresimin e emetimeve, në kursimin e karburantit për operatorët e transportit dhe në ajër më të pastër për të gjithë europianët”, tha komisioneri evropian për Klimën, Miguel Arias Canete, përcjell albinfo.ch.

Parlamenti Evropian kishte kërkuar një objektiv reduktimi prej 35% më të lartë, por shtetet anëtare arritën të ndjekin synimin e dakordësuar në  muajin dhjetor.

Sipas prodhuesve, masat e marra duhet të reduktojnë emetimet e automjeteve me 37,5 % midis viteve 2021 dhe 2030.

---