Jeta e Erisit varet nga solidariteti njerëzor

Familja e Erisit së bashku me të afërmit në Gjermani kanë mundur deri tash të sigurojnë vetëm 32100 euro por u mungojnë edhe më shumë se 230 mijë euro tjera.

Erisi nga Kosova është një vogëlush simpatik dhe shumë i gjallë. Ose mund të thuhet se ishte deri para pak kohe, kur te ai u zbulua sëmundja e tmerrshme e kancerit. Është vetëm 6 vjeç ndërsa metastazat e kancerit po ia shkatërrojnë me shpejtësi nofullën dhe fytin. Ai është i lidhur për gypa dhe tela të ndryshëm të cilët e mbajnë në jetë: vetë nuk mund as të ushqehet e as të flasë.

Të dëshpëruar në kulm, prindërit e tij kanë dëgjuar mjekët të cilët u kanë rekomanduar se e vetmja mundësi shpëtimi për Erisin është dërgimi i tij jashtë vendit në ndonjë klinikë të specializuar. Dhe ata e kanë sjellë në Gjermani, në Munih ku jeton xhaxhai i tij, Sami Musliu. Mjekët në kliniken Schwabing e kanë konstatuar diagnozën e tmerrshme: Burkitt-Lymphom, një tumor malinj që rritet shpejtë dhe që kërkon 12 rrezatime brenda intervaleve  prej dhjetë ditësh.. Pasi që për trajtimin e vogëlushit, spitali kërkon një shumë astronomike (rreth 260 mijë euro) Samiu e ka marrë përsipër aksionin për grumbullimin e mjeteve.

Familja e Erisit së bashku me të afërmit në Gjermani kanë mundur deri tash të sigurojnë vetëm 32100 euro por u mungojnë edhe më shumë se 230 mijë euro tjera.

Nëna e Erisit, Luljeta i qëndron të birit gjithë kohën pranë. “Ai gjithnjë më pyet se kur do të shërohet dhe të shkojë për peshkim. Kjo ma këput shpirtin”, thotë ajo për bild.de , transmeton albinfo.che

Shoqata humanitare gjermane “Ein Herz für Kinder” ka shpallur përmes gazetës Bild aksionin për të ndihmuar Erisin e vogël.  Ata që duan të ndihmojnë, këtë mund ta bëjnë përmes kontos në vijim:

BILD hilft e.V. – „Ein Herz für Kinder”
Spendenkonto: 067 67 67
Stichwort: ERIS
Deutsche Bank Hamburg
BLZ: 200 700 00
IBAN: DE60 2007 0000 0067 6767 00
BIC: DEUTDEHH