Jackpot-i në Euromilion shkon në Republikën Çeke

Jackpot prej 90 milionë eurosh nga një fatlum në Republikën Çeke, i cili ka kapur të gjithë numrat në Euromilion.

Më shumë se 22 milionë euro çmim i dytë është ndarë nga tre lojtarë në Gjermani, Spanjë dhe Lituani. Ata nuk arritën çmimin e parë për shkak se edhe pse kishin pesë numra, kishin vetëm një yll. Megjithatë, ata mund të marrin të paktën 7.6 milionë  €, njofton WestLotto, transmeton albinfo.ch.

Numrat fitues ishin 12-14-18-38-46 dhe dy numrat plotësues 9 dhe 10, që ishin tërhequr natën e së premtes në Helsinki.

Çmim i parë është raportuar të ketë shkuar në Republikën Çeke, tha një zëdhënës për kompaninë e lojrave Sazka në Pragë.

“Prioriteti ynë është për të mbrojtur identitetin e fituesit”, tha zëdhënësi i Lotarisë Çeke „Sazka”, Vaclav Friedmann.

Ndryshe nga Zvicra, fituesit në lotari në Çeki, Gjermani dhe Lituani nuk tatohen. “Kështu, lojtari merr shumën e plotë”, tha zëdhënësi i lotarisë Friedmann në Pragë.

Në Republikën Çeke fituesi është bërë një miliarder, për shkak se shuma e 90 milionë eurove do të paguhet në monedhën kombëtare – ekuivalenti me 2.4 miliardë kurora.