Instituti i Shëndetësisë porosit qytetarët: Mos hani ushqim kudo

Foto ilustrim: Sander Dalhuisen

Instituti Kombëtar i Shëndetësisë Publike i Kosovës u ka bërë thirrje thirrje qytetarëve që të kenë kujdes me ushqimet, përcjell albinfo.ch.

Përmes një njoftimi, IKSHK ka porosistur qytetarët që të mos hanë kudo dhe të kenë kujdes gjatë gatimit, ruajtjes dhe shpërndarjes së ushqimit, marrë parasysh që jemi në sezonin e verës.

“Mos hani ushqim kudo! Pakujdesia shkakton epidemi me rrezik për jetën e qytetarëve. Çdo minutë sëmuren 44 persona, sot në botë sëmuren 23 milionë persona në vit nga ushqimi jo i sigurt dhe 4700 persona në vit vdesin nga ushqimi jo i sigurt! Këto të dhëna të OBSH-së janë vetëm “maja e ajsbergut”! Të dhënat e sakta nuk dihen”, thuhet në njoftim.