I zhdukuri 12 vjeçar nga Zvicra gjendet në Dyseldorf

Policia e Dyseldorfit njofton se një komando speciale e policisë ka sulmuar banesën ku qëndronte Pauli dhe e ka gjetur atë në gjendje të mirë shëndetësore. Me atë rast është arrestuar një burrë 35 vjeçar, i dyshuar të ketë qenë pengmarrësi

Pauli, një djalosh 12 vjeçar nga Günzgen-i i Solothurn-it i cili kishte humbur që nga e shtuna e javës së kaluar, është gjetur në natën në mes të së shtunës dhe të dielës shëndosh e mirë, në Dyseldorf, Gjermani, shkruan sda.ch

Siç bën të ditur prokuroria e Solothurnit, pas hetimeve të shumta policia e ka gjetur natën e mbrëmshme.

Ndërsa policia e Dyseldorfit nga ana e saj njofton se një komando speciale e policisë ka sulmuar banesën ku qëndronte Pauli dhe e ka gjetur atë në gjendje të mirë shëndetësore, transmeton albinfo.ch. Me atë rast është arrestuar një burrë 35 vjeçar, i cili mendohet të jetë pronari i banesës. Ai dyshohet që të jetë përgjegjës për zhdukjen dhe mbajtjen për tetë ditë të vogëlushit zviceran.

Pauli ishte zhdukur nga shtëpia të shtunën e kaluar, më 18 qershor. E vetmja gjë që supozohej, në nivel spekulimesh ishte se ai mund të jetë lidhur  dhe marrë vesh me dikë përmes internetit.

Pauli pritet që qysh sot t`i dorëzohet familjes.