Hyjnë te Microsofti por vjedhin kompjuterë Apple!

Për Microsoftin, vjedhja e fundit është veçanërisht e dhembshme: për faktin se hajnat nuk e kanë denjuar atë as me vjedhje, por kanë parapëlqyer produktet e konkurrencës.

Pastaj thonë se hajnat janë të paarsimuar dhe të painformuar… Këtë paragjykim e kanë thyer disa hajna të cilët kanë hyrë në qendrën për hulumtime laboratorike të Microsoftit, në Silicon Valley të Kalifornisë dhe kanë vjedhur ekskluzivisht kompjuterë e tablete I-pad të kompanisë Apple!

Kjo vjedhje mund të ketë gëzuar konkurrencën Microsoftit, pasi që në një mënyrë edhe ka zbuluar se tabletet e saj po i shërbejnë Microsoftit si model për zhvillimin e tabletave “Surface”.

Ndërsa për vetë Microsoftin, vjedhja e fundit është veçanërisht e dhembshme: për faktin se hajnat nuk e kanë denjuar atë as me vjedhje, por kanë parapëlqyer produktet e konkurrencës. Gjithsej janë vjedhur 5 tablete iPad të tipeve të ndryshme në vlerë prej rreth 3000 dollarësh.