Hidhen në rrugë nga trafikantët, kosovarët kërkojnë azil në restorant

Bëhet fjalë për dy familje me gjithsej gjashtë fëmijë nga mosha dy deri dhjetë vjeçare

Të hënën, më 9 shkurt, rreth orës 20, paraqiten dhjetë kosovarë në një restorant për ushqim të shpejtë në Wörth-Wiesent de aty kërkojnë azil!

Bëhet fjalë për dy familje me gjithsej gjashtë fëmijë nga mosha dy deri dhjetë vjeçare. Ata pastaj janë marrë nga policia dhe janë transportuar në Wört an der Donau, prej nga janë dorëzuar në qendrën për pranimin e azilkërkuesve në Regensburg.

Sipas informacioneve që ka marrë policia deri më tash, ata janë sjellë nga kontrabandistë të panjohur në autstradën A3, shkruan miitelbaerischezeitung.de. Pastaj pasi janë ndalur në një pompë benzine, i kanë përzënë ata dhe i kanë lënë aty pa kurrfarë orientimi.