Hetime për marrjen e Credit Suisse

(KEYSTONE/Michael Buholzer).

Prokurori federal i Zvicrës ka nisur një hetim për të parë nëse marrja e Credit Suisse nga rivali i saj UBS është e ligjshme.

Sipas zyrës së prokurorit të përgjithshëm, ka dyshime për shkelje nga zyrtarët, qeveritarët, rregullatorët dhe drejtuesit e dy bankave, shkruan The Guardian, përcjell albinfo.ch.

“Në dritën e ngjarjeve të fundit, zyra e prokurorit federal dëshiron të përmbushë në mënyrë proaktive misionin dhe përgjegjësinë e saj për të kontribuar në një qendër të pastër financiare zvicerane, dhe ka ngritur ekipe për të ndërmarrë veprime të menjëhershme në çdo situatë që bie në zonën e saj”, tha prokurori me bazë në Bernë.

Zyra, e udhëhequr nga Prokurori i Përgjithshëm i Zvicrës, Stefan Blättler, ka qenë në kontakt me autoritetet kombëtare dhe rajonale dhe ka lëshuar një sërë “urdhrash hetimor” për të mbledhur informacion. Zyra e Blättler pritet të intervistojë zyrtarët kryesorë në lidhje me marrjen, por nuk pranoi të komentojë më tej, shkruan The Guardian, përcjell albinfo.ch.

Pas shqetësimeve në rritje për të ardhmen e Credit Suisse, një nga 30 bankat në botë që konsiderohej shumë e madhe për të falimentuar, qeveria zvicerane dhe rregullatori bankar detyruan marrjen e bankës nga UBS për gati 3.25 miliardë dollarë (2.6 miliardë £). shumë nën vlerën e saj të tregut. Ata ndërhynë pasi u bë e qartë se një kredi prej 50 miliardë frangash zvicerane (44 miliardë £) për Credit Suisse nga Banka qendrore zvicerane nuk kishte arritur të ndalonte rrëshqitjen dramatike të çmimit të aksioneve të saj, shkruan The Guardian, përcjell albinfo.ch.