Heidi Lushtaku shkëlqen në Tiranë

Heidi Lushtaku, bukuroshja nga Zvicra, ka shkëlqyer me fustanin seksi në garën e bukurisë „Miss Universe Albania" që është mbajtur në Tiranë.

Bukuroshja nga Zvicra  ishte pjesë e panelit në jurinë për të zgjedhur vajzën që do të përfaqësojë Shqipërinë në “Miss Universe 2015″, ku bënin pjesë Bleona Qereti, Gabriel Garko, Armina Mevlani.

Lushtaku ka marrë komplimente për fustanin e saj seksi që është dalluar edhe nga bukuroshet e tjera që garonin në këtë mbrëmje bukurie.

Shqiptaro-zvicerania Heidi Lushtaku ka bërë të ditur se fustani i saj është punuar i tëri në dorë nga firma ndërkombëtare zvicerane të rrobave „Hera” dhe kushton jo më pak se 4500 euro.

Modelistja shqiptare që jeton në Zvicër ishte rikthyer në Tiranë, këtë herë në jurinë e Miss Universe Albania.

24-vjeçarja me origjinë nga Kosova kishte arrritur deri në finale të një gare tjetër të vallëzimit në Shqipëri, “Dancing with the Stars”.

Shqiptaro – zvicerania kishte qëndruar vetëm dy ditë në Tiranë, ndërkohë ka përfituar nga një përvojë tjetër që do t’i ndihmojë shumë në karrierën e  saj.
Fituesja e kësaj gare, Megi Luka, do të përfaqësojë Shqipërinë në “Miss Universe” në Shangai të Kinës.

Heidi Lushtaku ishte finaliste e “Miss Zvicra 2013”, kurse aktualisht është njëra nga modelistet më të njohura në Zvicër, e cila ka kontrata disavjeçare  me 10 firma të ndryshme zvicerane.