Haradinaj: Kosova në NATO është zgjidhja

Ramush Haradinaj, Facebook

Kreu i Aleancës për Ardhmërinë e Kosovës, Ramush Haradinaj, ka shkruar mëngjesin e së hënës se rendi e ligji nuk kanë alternativë dhe se zgjidhje është anëtarësimi i Kosovës në NATO.

“Rendi dhe ligji nuk ka alternativë. Duhet të forcohet në gjithë vendin, pa përjashtim. Siguria e përgjithshme lehtëson dhe shpejton rendin dhe ligjin. Siguria dhe stabiliteti forcon edhe ekonominë. Kosova në NATO është zgjidhja. Jo anasjelltas”, ka shkruar ai, përcjell albinfo.ch.

Shton se për Kosovën po ashtu duhet të afrohet me integrimet evropiane.

“Jo larg integrimeve euroatlantike për më shumë rend e ligj. E kundërta. Sa më afër integrimeve dhe sa më shpejtë në marrëdhënie kontraktuale me NATO-n, aq më shumë rend dhe ligj, aq më shumë ekonomi”, shton tutje, përcjell albinfo.ch.