Haradinaj i quan ‘qyqarë’ Hotin dhe Kurtin

"Në kohën kur është kallë Kosova, Albin Kurti i ka pas flokët deri këtu e ka ndejtë në Prishtinë, e kanë marrë, e kanë çuar andej, qyqan është”, ka thënë Haradinaj

“Qyqarë” janë për kryeministrin e Kosovës Ramush Haradinaj, lideri i Vetëvendosjes, Albin Kurti dhe shefi i grupit parlamentar të LDK-së, Avdullah Hoti.

I pyetur për deklaratat e tyre ndaj tij, Haradinaj tha se “nuk e meritojnë t’ua kthej sepse dytë janë qyqarë. Ai madje përmendi edhe kohë e luftës duke thënë se Kurti nuk ka bërë asgjë.

“Se meritojnë me ua kthy se dy qyqana janë. Unë jam kryetar i qeverisë dhe i kryej punët. Vi prej një familje që ka traditë. Nuk po e pyes Avdullah Hotin për familje. Nuk po e pyes Albin Kurtin për familje. Në kohën kur është kallë Kosova, Albin Kurti i ka pas flokët deri këtu e ka ndejtë në Prishtinë, e kanë marrë, e kanë çuar andej, qyqan është”, ka thënë Haradinaj.

“Nëse ai ka të drejt me më thanë mu hajn, atëherë çka i vjedha unë atij, unë vi në 6:30 me punu e t’ia rregulloj kushtet e jetës”, është shprehur Haradinaj për “KTV”-në.

Kryeministri i Kosovës, Ramush Haradinaj nuk ndihet i rrezikuar nga procesi i dialogut me Serbinë. Sipas tij, vonesat dhe krizat në bisedimet për normalizim të marrëdhënieve po pengojnë vetëm vazhdimësinë e proceseve të Kosovës, përcjell albinfo.ch.

Sipas Haradinajt, opozita nuk është e gatshme për zgjedhje. Madje, sipas tij, bëjnë mirë të bëhen gati për zgjedhjet e rregullta pasi në një gjendje siç janë sot, ata mund të humbin përsëri nga koalicioni aktual qeverisës.

“Nuk janë të gatshëm për zgjedhje. Po ikim prej përgjegjësive, nuk është mirë me ik prej dialogut. Nëse ky koalicion shkon bashkë, ata prapë humbin. Isa Mustafa nuk ka gjendje fizike për me dalë në fushatë, Albin Kurti e ka partinë përgjysmë. Ky koalicion që qeverisë sot nuk ka pikë prej qiellit po ka dalë fitues”, ka thënë ai.

“Nuk është qeveria që nënshkruan marrëveshje ndërkombëtare po parlamenti. Nëse ata mendojnë që kanë legjitimitet më shumë se unë me përfaqësu Kosovën apo janë më të menqur, mirë ata e patën mundësinë po nuk bënë asgjë”, shtoi Haradinaj.

---