Gruevski dënohet edhe për një muaj burgim në mungesë

Gjykata në Shkup ka miratuar kërkesën e Prokurorisë Speciale, duke i caktuar masën e paraburgimit 30 ditë ish-kryeministrit Nikolla Gruevski për rastin “Titanik”, transmeton albinfo.ch.

Vendimi për Gruevskin është dhënë në mungesë, pasi ai ndodhet në arrati. Seanca  e sotme gjyqësore për këtë rast filloi me një orë vonesë, për shkak se dy të akuzuarit e tjerë u sollën me vonesë nga Burgu i Shutkës. Ish-kryeministri Nikola Gruevski raportohet të ketë kërkuar ndihmën e personaliteteve me më shumë ndikim në Bashkimin Evropian për të shmangur dënimin e tij me burg, përmes një letre dërguar atyre më 16 tetor, përpara se të arratisej përmes Shqipërisë, Malit të Zi dhe Serbisë, për në Hungari, ku edhe ka aplikuar për azil politik.

Letra është publikuar nga një medie e afërt me VMRO-DPMNE-në opozitare, televizioni “Alfa”, ndërkohë që përmes saj, Gruevski kërkon që në Maqedoni të dërgohen gjykatës ndërkombëtarë ose mision ndërkombëtar, pasi nuk beson në pavarësinë e gjyqësorit. Sipas tij, për vendimin e marrë ndaj tij janë mbledhur materialet e përgjuara në mënyrë të paligjshme, ndërkohë që nuk është lejuar që atyre t’u bëhet ekspertiza.