Lajme
Ministri i Diasporës i Maqedonisë së Veriut, po qëndron për vizitë në Zvicër
Delegacioni i Ministrisë së Diasporës të Maqedonisë së Veriut është takuar me stafin e IOM, me LAPSH dhe me shoqatën "Dituria"
Një delegacion i Maqedonisë së Veriut po qëndron ne Zvicër. Delegacionit i prin ministri përgjegjës për diasporën Dr. Xhemail Çupi dhe bën pjesë edhe këshilltari i jashtëm pranë kësaj ministrie, Prof. Sejdi Demiri.
Në një njoftim dërguar albinfo.ch delegacioni përshkruan rrjedhën e vizitës dhe takimeve të realizuara.
Takim me IOM
Në ditën e parë të vizitës së punës në Zvicër, ministri Çupi ka pasur një takim me shefin e stafit të IOM-it pranë selisë së OKB-së në Gjenevë, z. Ambroso dhe përfaqësuesin special për rajoni, z. Keseroviq.
Në takim ai i ka njoftuar bashkëbiseduesit për bashkëpunimin e tij të mirë me zyrën përfaqësuese të IOM-it në Shkup dhe gjithashtu ka shprehur kënaqësinë për gatishmërinë e tyre për të bashkëpunuar dhe mbështetur në lidhje me aktivitetet qeveritare për projektin e qendrave të diasporës, ngritjen e kapaciteteve institucionale për hartografimin e diasporës dhe ngritjen e bashkëpunimit të ndërsjellë me organizata ndërkombëtare në një nivel më të lartë.
Ambrosi premtoi mbështetje dhe bashkëpunim të mëtejshëm në fushën e diasporës në drejtim të hartografimit të diasporës dhe veçanërisht në mënyrat e identifikimit të një mekanizmi të përshtatshëm për të shfrytëzuar sa më mirë remitancat e diasporës për qëllime investimi në vendin e origjinës.
Takim me Qendrën kulturore fetare “Dituria” në Gjenevë
Në takimin e përzemërt me përfaqësuesit e qendrës kulturore/fetare “Dituria” në Gjenev, ministri është njohur me aktivitetet e tyre vjetore, ndër të tjera edhe me organizimin e mësimit plotësues në gjuhën amtare . Të pranishmit shprehën mirënjohje të madhe për vizitën, gjatë së cilës shkëmbyem mendime dhe mënyra për bashkëpunim të frytshëm mes veti.
Takim me LAPSH “Naim Frashëri” në Zvicër
Takimi i radhës ishte ai me Lidhjen e Mësuesve dhe Prindërve Shqiptarë në Gjenevë, i cili u zhvillua në një atmosferë mjaft konstruktive, duke shkëmbyer informacione dypalësh lidhur me mënyrat dhe mundësinë e organizimit të arsimit shtesë për fëmijët e diasporës sonë në Zvicër, me theks të veçantë në zonën frëngjishtfolëse.
Të dyja palët shprehën dëshirën për bashkëpunim më intensiv në fushën e arsimit dhe Kulturës, thuhet në fund të njoftimit nga zyra e Ministrit të Diasporës, Dr. Xhemail Çupi.
Të ngjashme
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Avokati kërkon lirimin e menjëhershëm të shqiptarit të akuzuar për vrasje të dyfishtë
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Austri
-
Bora zbardh Austrinë Austria sot është mbuluar nga bora. Mediat raportojnë se në vendet malore, reshjet kanë qenë më...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa