Godet me veturë tre persona, njërin prej tyre për vdekje

Sulmuesi i dyshuar ka ikur në drejtim të panjohur pa u ndalur në vendin e ngjarjes. Por më pas policia ka ndaluar makinën e dyshuar me ç`rast ka arrestuar dy personat që ndodheshin në të

Në orët e hershme të mëngjesit të sotëm, gjegjësisht rreth orës 2.15 pas mesnatës ,një person me automobilin e tij ka goditur një grup prej tre personash, në zonën industriale të Lucernit, raporton sda.ch. Me atë rast, nga goditja ka mbetur i vdekur në vend një person dhe janë lënduar dy të tjerët, bën të ditur policia, transmeton albinfo.ch. Njëri prej këtyre ka pësuar lëndime të rënda ndërsa tjetri është lënduar lehtë.

Sulmuesi i dyshuar ka ikur në drejtim të panjohur pa u ndalur në vendin e ngjarjes. Por më pas policia ka ndaluar makinën e dyshuar me ç`rast ka arrestuar dy personat që ndodheshin në të. Ende nuk dihet nëse ndonjëri prej tyre ka qenë shoferi i dyshuar për sulmin e përmendur. Nuk është thënë po ashtu nëse ata kanë qenë nën ndikimin e alkoolit ose të drogës.

Tre personat e goditur janë shtetas polakë të moshave 37, 38 dhe 44 vjeçare.