Gjeneva, qyteti numër një për tregtinë e naftës

janë kompetenca profesionale e njerëzve, infrastruktura e mirë etj. që e bëjnë Gjenevën qytetin prijës në tregtinë me naftë

Gjeneva, qyteti numër një për tregtinë e naftës

Qyteti zviceran, buzë Liqenit të Lemanit ka më shumë të punësuar në tregtinë me naftë se sa për shembull Londra! 8000 të punësuarit në këtë sektor e bëjnë Gjenevën qytetin numër një sa i takon tregtisë me naftë.

Sipas GTSA (Association genevoise du négoce et de l’affrètement), kompania e tregtisë me naftë nga Londra Trafigura po transferon një të katërtën e punëtorëve të saj, ose 80 sish,　 nga Londra në Gjenevë. Kompania konkurrente, Vitol ndërkaq në Gjenevë do t`i transferojë 25 punëtorë.

Trendi më i ri tregon se një e treta e transaksioneve të naftës që këto kompani e bëjnë në gjithë botën, ose me shifra, 700 milion litra në vit, aktualisht kalon nëpër Gjenevë.

Gjeneva nga viti 2006 e këndej ka shënuar për çdo vit rritje prej rreth 5 për qind tëtregtisë me naftë. Sipas përfaqësuesve të GTSA janë kompetenca profesionale e njerëzve, rezervat e fuqisë së punës, infrastruktura e mirë dhe politika e përshtatshme tatimore, ato që e bëjnë Gjenevën qytetin prijës në tregtinë me naftë.