Gjeneva i jep Francës 326 milionë franga

(KEYSTONE/Gaetan Bally)

Departamentet kufitare franceze të Haute-Savoie dhe Ain morën këto para, të cilat vijnë nga tatimi në burim i vendosur për pagat e përafërsisht 87,000 punëtorëve ndërkufitarë të punësuar në kanton, për vitin fiskal 2020.

Kjo është 11 milionë më shumë sesa Franca mori për taksat e mbledhura në 2019, shkruajnë mediat zvicerane, përcjell albinfo.ch.

Punonjësit ndërkufitarë taksohen në Gjenevë, por një pjesë e parave kthehen në komunat e tyre franceze të banimit për të financuar projekte të infrastrukturës me rëndësi rajonale, veçanërisht ato që menaxhojnë lëvizjen në të dy anët e kufirit.

I njëjti sistem është i vendosur për punëtorët ndërkufitarë nga Italia dhe Gjermania.