Gjendet në Francë trupi pa kokë i një zvicerani 81-vjeçar

“Ai ishte ishte prej disa ditësh aty, i shtrirë dhe kufoma e tij ishte tashmë në një shkallë të lartë të procesit të kalbjes”

Në një fushë, në komunën franceze Ferney-Voltaire, në kufi me Zvicrën, në veriperëndi të Gjenevës është gjetur trupi pa kokë i një zvicerani 81-vjeçar, shkruan sda.ch. Sipas prokurorisë përgjegjëse, kufoma kishte disa ditë që po qëndronte në vendin ku u gjet.

Burri në fjalë nuk kishte të veshura as pantollona dhe as brekë. Policia ka arritur ta identifikojë atë mbi bazë të dokumenteve të identifikimit, që i kishte me vete.

“Ai ishte ishte prej disa ditësh aty, i shtrirë dhe kufoma e tij ishte tashmë në një shkallë të lartë të procesit të kalbjes”, kanë deklaruar në prokurori.

Hetuesit nuk e përjashtojnë vdekjen natyrore si shkaktar, transmeton albinfo.ch. Sipas tyre, ka mundësi që i ndjeri të ketë shkuar për të kryer “një nevojë të natyrshme” dhe me atë rast të ketë pësuar kolaps. Koka, mund t`i jetë ndarë pastaj prej trupit, nga ndonjë kafshë.

 

---