Gabim në numërim: Votat kundër llogariten si pro!

Thjesht, u ishin ndërruar vendete votave. Ata që kishin votuar kundër ishin numëruar si përkrahës të iniciativës dhe anasjelltas

Rezultatet e votimit të djeshëm për iniciativën kundër migrimit masiv në një komunë të vogël të kantonit Vaud kanë shkaktuar habi te shumëkush. Në gjithë kantonin, ashtu sikurse edhe në gjithë Zvicrën frankofone ishin në epërsi të dukshme kundërshtarët e iniciativës, ndërsa përjashtim madje të theksuar bënte vetëm komuna Marchissy.

70.69% kishin “votuar pro”, në një kohë që rrallë ndonjë komunë gjermanofone kishte miratuar aq bindshëm iniciativën.

Pasi që ky rezultat u duk i dyshimtë, organizatorët u hynë hetimeve dhe zbuluan gabimin: thjesht, u ishin ndërruar vendete votave. Ata që kishin votuar kundër ishin numëruar si përkrahës të iniciativës dhe anasjelltas shkruan srf.ch, duke iu referuar gazetës “24 heures”.

Por kjo “rokadë” nuk bën ndonjë ndikim në rezultatin e përgjithshëm pasi që komuna në breg të liqenit të Gjenevës është tepër e vogël, aty kishin votuar gjithsej 174 veta. 123 vota ishin dhënë kundër dhe 51 pro iniciativës.