Friburg: Arrestohen dy hajna shqiptarë

Hajnat e supozuar me prejadhje nga Kosova akuzohen për 30 vjedhje me thyerje dhe 10 tentativa vjedhjeje

Dy vjedhës u arrestuan më 7 korrik të këtij viti në Grolley. Pas një hetimi të kryer nga ana e Departamentit të Policisë së Kantonit, ata janë veçanërisht të akuzuar për 39 vjedhje të kryera nga dhjetori 2011 deri në korrik 2012 në kantonin e Friburg-ut.

Ata dyshohen të kenë vjedhur shuma që shifrohen në disa qindra-mijëra franga. Policia kantonale e Fribourg-ut ka përfunduar një hetim që përfshin dy autorët në 39 vjedhje me thyerje të pronës si dhe për dhjetë tentativa vjedhjeje të kryera gjatë periudhës dhjetor 2011 – korrik 2012 në kantonin e Fribourg-ut.

Të dy burrat janë po ashtu të akuzuar për shkelje të Ligjit Federal për shtetasit e huaj. Të burgosur, ata janë tani në dispozicion të prokurorit në Ministrin Publike.

Ata janë kapur në makinën e tyre

Të shtunën, më 7 korrik 2012, të dy autorët kishin kryer një vjedhje në Misery, ndërsa u arrestuan në Grolley, në një automjet. Shoferi dhe pasagjeri dolën që ishin dy shtetas kosovarë me moshë 29 dhe 22 vjeç.

Kur u kontrolluan nga policia, shoferi nuk kishte leje të makinës, ndërsa bashkëshoqëruesi i tij nuk kishte leje qëndrimi.