Lajme

Fillimi i mësimit në shkollën shqipe në Parma të Italisë

E premte, 18 Shtator 2020 - 13:00 albinfo.ch

U mblodh Këshilli pedagogjik i shkollës shqipe ‘Scanderbeg’, ku diskutoi për përgatitjet e fundit për fillimin dhe metodat e mësimit për vitin shkollor 2020-2021, i dymbëdhjeti vit radhazi.

U vendos që fillimisht mësimi do të bëhet online për shkak të masave anti Covid-19. Kur gjendja të normalizohet dhe kushtet ta lejojnë, do të kthehemi në mësimin klasik në shkollë.
Platformat virtuale që do të përdorim për mësimin online janë Google Meet dhe Zoom. Programi për prezantimin e leksioneve do të jetë Power Point.
Për realizimin me sukses të këtij mësimi, ndërmarrja Alba Computer vendos falas, në dispozicion të plotë, ambientet teknologjike për mësuesit dhe nxënësit, duke bërë njëkohësisht edhe trajnimin e tyre.

Dita e parë e mësimit është e shtunë, më 26 shtator 2020.
Shkolla online do të zhvillohet çdo të shtunë nga ora 15:00 deri 16:00 për fillestarët dhe 16:30 – 17:30 për grupin e përparuar.

Programi do të krijohet nga stafi ynë pedagogjik, me linjat udhëzuese të kurrillës së Ministrive të Arsimit të Shqipërisë dhe Kosovës, të cilat i kanë siguruar edhe librat.
Lëndët që do të zhvillohen këtë vit:
Abetare, gjuha shqipe, letërsia e trevave shqiptare, historia dhe gjeografia e trevave shqiptare, muzika, kostumet dhe traditat shqiptare, art dhe pikturë.
Krahas mësimit, në bazë të kushteve dhe rrethanave, do të zhvillojmë një sërë aktivitetesh kulturore deri në mbarimin e shkollës në qershor 2021.

Stafi pedagogjik për vitin shkollor 2020-21 do të jetë:
Niveli i parë
Lënda abetare: Erlinda Pjeçi, Zamira Shkurti dhe Nertila Dervishi.
Niveli i dytë:
Gjuha shqipe: Sabrije Kulla
Letërsi shqipe: Mimoza Cerri
Muzikë, kostume dhe tradita shqiptare: Elvira Lashi
Art dhe pikturë: Elona Marika dhe Benard Basha
Histori dhe gjeografi të trevave shqiptare: Durim Lika

Regjistro fëmijën tënd!

/Albinfo.ch

 Të ngjashme

Valdrin Gashi, një kosovar në skenat italiane të operës

 Të tjera nga Lajme

Taulant Xhaka nis karrierën si trajner te FC Dardania Basel në divizionin e 4-të

 E-Diaspora

 Jeta në Austri