Falë Rashicës, fitoi 250 mijë euro

Një fans i lojërave të fatit, 31 vjeç, me një euro fitoi një tiketë me 250 mijë euro. Për këtë duhet të falenderojë Rashicën, shkruan bild.de.

Me golin e tij në minutën e fundit, Milot Rashica mundësoi fitoren e vlefshme të Werder Bremen kundër Eintracht Frankfurt (2:1), që ishte edhe fitorja e parë në Bundesligë këtë sezon. Por ka ndodhur edhe një ngjarje jo e zakonshme. Një fans i lojërave të fatit, 31 vjeç, me një euro fitoi një tiketë me 250 mijë euro, përcjell albinfo.ch.

Ai kishte gjetur paraprakisht gjithë rezultatet e tjera dhe në fund priste fitoren e Werder Bremen, që falë golit të Rashicës në minutën e 96, ai fitoi 250 mijë euro. Me siguri, 31-vjeçari nuk do harrojë kurrë Rashicën.

---