Facebook-u bën marrëveshje me Francën

Facebook është pajtuar t’i japë emrat e përdoruesve francezë të dyshuar për përdorimin e gjuhës së urrejtjes në platformën e tyre.

Kompania një gjë të tillë do ta bëjë në gjykata, kurdo që kërkohet. Marrëveshja besohet të jetë e para e këtij lloji në botë, transmeton albinfo.ch.

Në të kaluarën, gjiganti i teknologjisë ua ka dhënë gjykatësve francezë adresat dhe format e tjera të identifikimit, por vetëm në rastet që lidhen me terrorizmin dhe aktet e dhunshme.

Gjuha e urrejtjes përcaktohet nga Komisioni Evropian si sjellje që nxit dhunë ose urrejtje ndaj grupeve të njerëzve të përcaktuar me karakteristika të tilla si raca, feja dhe origjina etnike.