Emery: Xhaka mund të shënojë nga çdo pozitë

Trajneri i Arsenalit, Unay Emery, ka lavdëruar Granit Xhakën për ndeshjet e fundit, sidomos atë ndaj Manchester United.

Xhaka jo vetëm shënoi një gol të bukur, por bëri edhe një ndeshje të jashtëzakonshme, përcjell albinfo.ch.

Trajneri i Manchester United, Ole Gunnar Solskjaer, tha se goditja e Xhakës ishte si një e brazilianit.

Edhe Emery ka thënë se goditja e Xhakës ishte shumë e fuqishme dhe specialitet i tij.

“Çdo lojtar ka kualitetet e tij. Xhaka ka një aftësi të veçantë, pasi mund të shënojë nga çdo lloj pozicioni. Ju e dini më mirë se unë, pasi Xhaka e bën prej vitesh këtë gjë. Goli i tij ishte shumë i rëndësishëm për ne. Nuk mund të them se De Gea kishte faj, pasi Xhaka është një specialist dhe gjuajtja e tij është e paparashikueshme”, u shpreh trajneri i Arsenalit.