Dy shqiptarë humbin jetën në një aksident komunikacioni në Itali

Ilustrim

Një ngjarje shumë e rëndë ka ndodhur në orët e para të mëgjesit të sotëm në Itali ku kanë humbur jetën dy të rinj shqiptarë.

Dy të rinjtë shqiptarë janë përplasur për vdekje nga një veturë që drejtohej nga një vajzë 30-vjeçare, raportojnë mediat shqiptare.

Ngjarja ka ndodhur në orën 03:00 të mëngjesit të sotëm kur dy të rinjtë të identifikuar si Ergi S., 20 vjeç dhe Xhulio K., 21 vjeç sapo kishin dalë nga një diskotekë në zonën e Piaçenzas në Itali, kur janë përplasur për vdekje nga një veturë e tipit Renault Twingo.

Në timonin e makinës ishte një vajzë 30 vjeçe, që për motive ende të panjohura ka goditur me veturën e saj dy të rinjtë.

Vetura bashkë me shoferen kanë përfunduar në një kanal në anë të rrugës.

Autoritetet nisur hetimet për të zbardhur dinamikën e këtij aksidenti tragjik.