Dua Lipa vazhdon me suksese të jashtëzakonshme

Kënga e saj e re “New Rules” po pëlqehet shumë dhe ka arritur më shumë se 100 milionë ‘views’ në “Youtube”

Këngëtarja shqiptare, Dua Lipa po vazhdon me shumë suksese në karrierën e saj, shkruan albinfo.ch.

Kënga e saj e re “New Rules” po pëlqehet shumë dhe ka arritur më shumë se 100 milionë ‘views’ në “Youtube”. Ky është një sukses i madh për këngëtaren prishtinase.

Por, kjo këngë është numër një në Britani të Madhe, si dhe në Top 50 të shërbimit për muzikë online, Spotify.

Suksesi tjetër është se “New Rules” është zgjedhur kënga e muajit cover në MTV. Lajmin e ka bërë të ditur vetë Dua Lipa përmes një postimi në “Facebook”.

Por, sukseset nuk kanë ndalur. Ajo është nominuar nga “BBC”, si “Best British Solo Artist”. Votimet janë hapur më 13 gusht dhe do të zgjasin deri më 20, ku gjithashtu keni mundësi të votoni këngëtaren shqiptare që të fitojë këtë çmim të rëndësishëm.