Donatorët globalë dhurojnë 8,8 miliardë dollarë për vaksinën kundër COVID 19

Këto të holla do të ndihmojnë vendet e varfëra për sigurimin e vaksinave edhe për sëmundje të tjera.

Në shumë vende të botës organizatat e donatorëve i janë zotuar GAVI-IT (aleancës së vaksinave), 8.8 miliardë euro për gjetjen e vaksinës kundër COVID 19.

Paratë do të shfrytëzohen për t`i ndihmuar vendet e varfëra me vaksina si dhe do të ndihmojnë në gjetjen e një vaksine kundër COVID 19, përcjell albinfo.ch.

Të enjten, aleanca e vaksina GAVI, në një konferencë për media ka thënë se ka mbledhur 8.8 miliardë dollarë nga qeveritë ndërkombëtare të donatorëve, për të financuar programet e saj të imunizimit deri në vitin 2025.

Në një samit të fondeve në Londër, GAVI tha se zotimet kishin tejkaluar objektivin e tij prej 7.4 miliardë dollarë, dhe se “do të ndihmonin në imunizimin e 300 milionë fëmijëve në vendet më të varfra në botë kundër sëmundjeve, si fruthi, poliomieliti dhe difteria”.

Marrëveshja do të ndihmojë në sigurimin e mjaft dozave të vaksinave COVID-19, gjithashtu në vendet e varfra do të imunizojnë punonjësit e kujdesit shëndetësor dhe ata me rrezik të lartë.

Donatorët kryesorë përfshinin fondacionin e Bill dhe Melinda Gates, Norvegjinë, Gjermaninë dhe SHBA-në, transmeton albinfo.ch.

GAVI, Organizata Botërore e Shëndetit dhe Fondi për Fëmijë i Kombeve të Bashkuara UNICEF kanë paralajmëruar se 80 milionë fëmijë nën moshën një vjeç janë në rrezik të sëmundjes për shkak të ndërprerjeve në programet jetike të imunizimit për shkak të pandemisë COVID-19.

Britania, e cila priti samitin, ishte ndër donatorët më të mëdhenj të fondit prej $ 8.8 miliardë $, duke premtuar ekuivalentin e 330 milionë paund (416 milionë dollarë) në vit gjatë pesë viteve të ardhshme, tha GAVI.

Kryeministri britanik Boris Johnson tha se GAVI mund të mbështetet në kontributin e plotë të Mbretërisë së Bashkuar për të ndihmuar triumfin e njerëzimit mbi sëmundjen, tani dhe për gjeneratat e ardhshme.

Donatorë të tjerë të lartë përfshinin fondacionin Bill & Melinda Gates, të cilët dhanë 1.6 miliard dollarë për periudhën deri në vitin 2025, dhe qeveritë e Norvegjisë, Gjermanisë dhe Shteteve të Bashkuara.

“Për të mposhtur pandeminë COVID-19, botës i duhet më shumë sesa shkenca e përparuar. Ajo ka nevojë për bujarinë e përparimit. Dhe kjo është ajo që ne po shohim sot si udhëheqës në sektorin publik dhe privat po rriten për të mbështetur GAVI”, tha Bill Gates, bashkëkryetari i Fondacionit Filantropik Gates, për samitin.

Ai shtoi se kur vaksinat COVID-19 janë gati, financimi i AMC do të sigurojë që njerëzit në të gjithë botën të mund t’i qasen.

GAVI tha që tetë nga donatorët e qeverisë ishin vende që bënin zotimin e tyre të parë për aleancën e vaksinave: këto ishin Bhutan, Burkina Faso, Kameruni, Finlanda, Greqia, Zelanda e Re, Portugalia dhe Uganda.

GAVI është një partneritet publik-privat i mbështetur nga fondacioni Bill & Melinda Gates, OBSH, Banka Botërore, UNICEF dhe të tjerët, i cili rregullon blerje me shumicë për të ulur kostot e vaksinave për vendet e varfëra./albinfo.ch

---