Vetëm 11% e zviceranëve shqetësohen nga koronavirusi

Lufta kundër pandemisë është në fund të listës së problemeve më urgjente, së bashku me papunësinë dhe fanatizmin fetar

Vetëm 11 për qind e popullsisë zvicerane ende e konsideron luftën kundër pandemisë si një nga problemet më urgjente, transmeton albinfo.ch. Sipas një sondazhi të ri, njerëzit janë më shumë të shqetësuar për kostot e kujdesit shëndetësor, planifikimin e daljes në pension dhe ndryshimet klimatike.

Sipas sondazhit që ëshë publikuar nga Tamedia, më shumë se gjysma e të pyeturve kanë numëruar këto tri çështje ndër problemet më urgjente.

Lufta kundër pandemisë është në fund të listës së problemeve më urgjente, së bashku me papunësinë dhe fanatizmin fetar.

Në sondazhin identik të realizuar në dhjetor të vitit 2021, më shumë se 50 për qind e të anketuarve ende e konsideronin luftën kundër pandemisë si një nga problemet më urgjente, në kohën kur ajo renditej në vendine tretë në listën përkatëse.

---