Dezinfektimi me mjete të shtëpisë

Flet specialisti i bimëve mjekësore, Ylli Merja

Specialisti i bimëve mjekësore, Ylli Merja në një lidhje me skype me emisionin “Vila 24” në News 24 dha këshilla të vlefshme se si mund të përgatisim vetë në kushtet e shtëpisë dezifektantë të vlefshëm edhe kundër virusit të ri, që shkakton COVID-19, të ktheyr tashmë në një pandemi botërore.

Për qytetarët e shumtë që enden në farmaci në kërkim të dezifketantëve dhe nuk i gjejnë në këto ditë fluksi, Merja këshillon përgatitjen në shtëpi të tyre, përcjell albinfo.ch.

“Ziejmë gjethe ekualipti, dëllinjë të zezë apo të kuqe, rigon, piper të zi, trumëz apo karafil, pastaj çdo dy apo tre minuta hidhni në këtë përbërje nga një lugë caji me sodë buke. Do të shihni që ngrihen shtëllunga ajri që dezifketojnë gjithë ambientin e shtëpisë suaj”, rekomandoi Merja.

Ndërkohë një recetë tjetër që mund të pihet por edhe mund të përdoret për dezifektimin e duarve është:

“Në një enë ku kemi hedhur 200 ml raki, të hedhim 2 speca djegës, 1 lugë gjelle rigon, 1 lugë caj karafil dhe hudhra të shtypura. Është një antiverial i shkëlqyer që pihet dhe mund të dezifektohen edhe duart me këtë”, sqaroi ai.

---