Dënohen të akuzuarit për vrasjen e Aulon Zekës

Gjykata e Apelit lëndën në këtë rast e kishte kthyer në rigjykim. 16-vjeçari Aulon Zeka u vra në shtator të vitit të kaluar.

Gjykata Themelore në Prishtinë ka shpallur fajtor tre të mitur për vrasjen e Aulon Zekës. Gjykata e ka dënuar të miturin G.H. me nëntë vjet e gjashtë muaj burgim për vrasjen e Zekës në Prishtinë, derisa do t’i vazhdohet masa e paraburgimit deri në plotfuqishmërinë e aktgjykimit. Fajtorë janë shpallur edhe të dyshuarit e tjerë në këtë rast.

Gjykata ka dënuar të miturën R.G. me masë edukativo-korrektuese në kohë zgjatjeje prej tre vjetësh, për ndihmë të autorit pas kryerjes së vrasjes dhe të miturit L.LL. i është shqiptuar masa mbikëqyrje e shtuar nga organi i kujdestarisë në kohëzgjatje prej 1 viti e gjashtë muaj.

Gjykata e Apelit lëndën në këtë rast e kishte kthyer në rigjykim. 16-vjeçari Aulon Zeka u vra në shtator të vitit të kaluar.

 

---