Delawie kërkon nga partitë konsensus për ta kaluar demarkacionin

“Tani është koha që të gjitha partitë politike të demonstrojnë lidership. Bëni një marrëveshje që i vë qytetarët në radhë të parë"

Ambasadori i Shteteve të Bashkuara të Amerikës në Kosovë, Greg Delawie, sërish ka kërkuar nga subjektet politike që të gjejnë konsensus për arritjen e një marrëveshjeje për të ratifikuar demarkacionin me Malin e Zi, duke thënë se atë duhet bërë, duke i  vënë qytetarët në radhë të parë.

“Tani është koha që të gjitha partitë politike të demonstrojnë lidership. Bëni një marrëveshje që i vë qytetarët në radhë të parë. Kaloni Marrëveshjen e demarkacionit”, ka shkruar ambasadori amerikan në llogarinë e tij në Twitter, pas shtyrjes së seancës për demarkacionin për të mërkurën e ardhshme.