CVP humb vendin e vetëm në Qeveri, Të Gjelbrit e fitojnë atë

Zgjedhjet për Qeverinë kantonale të Cyrihut kanë sjellë ndryshime në përbërjen e kësaj qeverie. Në vend të Hans Hollenstein nga CVP (Partia Kristiane Popullore), është zgjedhur Martin Graf nga Partia e Gjelbër.

Holenstein detyrohet të braktisë postin e tij pas gjashtë vitesh pune në qeverinë e kantonit dhe me humbjen e tij, partia CVP nuk do të jetë e përfaqësuar më në Parlament, shkruan portali drs.ch. Ndërkaq të gjelbrit, pas një pauze 4 vjeçare hyjnë sërish në qeveri.

Partia Socialdemokrate ka arritur ti ruajë dy vendet e saj në qeveri, duke fituar një qeveritar të ri, Mario Fehr, i cili ka marrë vendin e bashkëpartiakut të tij, Markus Notter që ishte tërhequr paraprakisht nga rikandidimi.

Mario Fehr madje, ka fituar me rezultatin më të lartë në këto zgjedhje, duke mbledhur votat e 137035 vetave. Pas tij vjen Thomas heiniger nga FDP me 134061 vota.

Ashtu siç ishte pritur, në këto zgjedhje ka pasur ndikimin e tij i ashtuquajturi “Efekti Fukushima”. Si reflektim i krizës atomike në Japoni, është shënuar një ngritje e rezultateve të partive të gjelbra.