Shqiptarët në Ankara kremtojnë 113-vjetorin e Pavarësisë

Festa Kombëtare e Shqipërisë kremtohet edhe në Ankara

Më 22 nëntor 2025, Ambasada e Republikës së Shqipërisë në Turqi, Ambasada e Republikës së Kosovës në Turqi dhe Qendra e Kulturës Shqiptare “Sami Frashëri” organizuan një aktivitet festiv për të nderuar 113-vjetorin e Pavarësisë së Shqipërisë dhe Ditën e Flamurit Kombëtar, transmeton albinfo.ch.

Ky event mblodhi përfaqësues të komunitetit shqiptar në Turqi, anëtarë të shoqatave shqiptare nga rajone të ndryshme dhe studentë shqiptarë, duke krijuar një atmosferë bashkimi dhe krenarie kombëtare.

Gjatë aktivitetit u përkujtua gjithashtu edhe 22 Nëntori, Dita e Alfabetit të Gjuhës Shqipe, duke theksuar rëndësinë e trashëgimisë gjuhësore dhe kulturore shqiptare.

Ambasadat dhe Qendra e Kulturës Shqiptare “Sami Frashëri” shprehën falënderimet e tyre për të gjithë pjesëmarrësit për praninë dhe mbështetjen e vazhdueshme, duke nënvizuar rolin e komunitetit në ruajtjen e identitetit dhe traditave kombëtare edhe jashtë vendit. /Albinfo.ch

---