Cuba Gooding Jr., pjesë e mjuziklit ‘Chicago’

Aktori i shpërblyer me Oscar, Cuba Gooding Jr., është pjesë e mjuziklit në versionin londinez të Chicagos. Bashkë me të në këtë mjuzikël, i cili shfaqet në Londër tash e 15 vjet, është edhe Sarah Soeraert në rolin e Roxie Hart dhe Josefina Gabrielle në rolin e Velma Kelly.

Gooding Jr aktron Billy Flynn dhe është hera e parë që do të performojë në West End, përcjell albinfo.ch.

“Kur isha fëmijë gjithmonë doja të aktroja në West End, por nuk e mendoja se do të jetë mjuzikël. Dhe, ja ku jam duke e bërë këtë dhe nuk mendoj se ka diçka tjetër që do ta bëja më përpara”, tha ai. ‘Chicago’, vepër kjo e bazuar në romanin e Maurine Dallas Watkins, do të shfaqet nga 26 marsi.