Tema e digjitalizimit dhe inovacionit në administratën publike ishin në qendër të diskutimeve në “DigiDay Prishtina 2025: Zgjidhje Inovative për Administratën Publike Austri-Kosovë”, një ngjarje që mblodhi ekspertë të teknologjisë, përfaqësues qeveritarë dhe investitorë nga të dyja vendet, përcjell albinfo.at.

Konferenca, siç u tha, synon të ndihmojë në shkëmbimin e praktikave më të mira për modernizimin e sektorit publik dhe zhvillimin e ekonomisë digjitale.

Ambasadori i Austrisë në Kosovë, Georg Schnetzer, theksoi rëndësinë e bashkëpunimit ndërkombëtar për të përballuar sfidat e transformimit digjital.

“Programi i sotëm do të trajtojë tema të ndryshme si siguria kibernetike, inteligjenca artificiale, strategjitë kombëtare të digjitalizimit, e-qeverisja dhe aftësitë digjitale. Administratat publike shpesh nuk kanë kapacitetet dhe kompetencat për të ndjekur zhvillimet e shpejta teknologjike dhe për të përshtatur kornizat ligjore me realitetet në ndryshim”, tha ai.

Schnetzer gjithashtu potencoi mundësitë për investime austriake në Kosovë.

“Jam i sigurt se ka shumë pika të përbashkëta dhe mundësi të mëdha për investitorët austriakë në sektorin e IT-së në Kosovë, me shoqërinë e saj të re, shumëgjuhëshe dhe të orientuar nga e ardhmja”, u shpreh ambasadori.

Nga ana tjetër, zëvendësministri i Ekonomisë së Kosovës, Getoar Mjeku, prezantoi vizionin e Qeverisë për një administratë më efikase dhe një ekonomi digjitale të avancuar.

“Ne duam që Kosova të bëhet një vend modern në aspektin digjital, me një administratë publike efikase që shfrytëzon teknologjinë moderne. Vetëm disa ditë më parë, qeveria shtoi një grup të ri shërbimesh në portalin e-Kosova, që u mundëson qytetarëve të aksesojnë shërbimet digjitale në internet”, tha ai, raporton EO.

Sipas Mjekut, Kosova ka bërë hapa të mëdhenj në përmirësimin e infrastrukturës digjitale.

“Sot kemi një normë të penetrimit të lidhshmërisë në internetin broadband prej 99.8%, duke na vendosur mes kampionëve botërorë”, shtoi ai.

Ndërkohë, Wilhelm Nest, këshilltar dhe drejtor i “Advantage Austria” në Kosovë, krahasoi përvojën e Austrisë në e-Qeverisje me vendet e tjera evropiane.

“Që nga viti 1997, e-Qeverisja nuk është më një fjalë e modës në Austri, por një realitet. Në Gjermani, përdorimi i shërbimeve të e-Qeverisjes është 56%, në Zvicër 60%, ndërsa në Austri arrin në 70%”, tha Nest.

Ai vuri në dukje suksesin e kompanive austriake në këtë fushë.

“Kompanitë austriake të teknologjisë së informacionit dhe sektori i konsulencës janë ndër shtytësit më të rëndësishëm të PBB-së sonë dhe, me një kuotë eksporti prej 30%, janë një histori suksesi në eksport”, tha Nesti.

Qeveria e Kosovës ka zhvilluar një mbledhje elektronike, gjatë së cilës janë marrë dy vendime nga kabineti qeveritar.

Fillimisht është miratuar vendimi për të mbështetur procesin e nisur nga Mbretëria e Bashkuar dhe Franca për trajtimin e përhapjes dhe përdorimit të papërgjegjshëm të aftësive komerciale për ndërhyrje kibernetike – i njohur si “Procesi Pall Mall”, thuhet në njoftimin e Qeverisë.

Po ashtu, janë ndarë 75,000 euro për Fondacionin Shqiptaro-Amerikan, me qëllim të promovimit të vendit.

Pas vendimit të presidentit amerikan, Donald Trump, për vendosjen e një tarife bazë prej 10 për qind për importet nga të gjitha vendet e botës, përfshirë Kosovën dhe vendet e tjera të Ballkanit Perëndimor, Oda Ekonomike Amerikane në Kosovë (OEAK) ka kërkuar nga Qeveria e Kosovës që të tërheqë tarifën doganore prej 10 për qind për mallrat nga Shtetet e Bashkuara të Amerikës, përcjell albinfo.ch.

Kryetari i Odës Ekonomike Amerikane në Kosovë, Arian Zeka, tha për Radion Evropa e Lirë se vendosja e tarifës nga SHBA-ja do të ndikojë në aftësinë e eksportuesve kosovarë dhe do të ulë përparësinë konkurruese të produkteve të Kosovës në tregun amerikan.

“Po që se Kosova lëviz përpara në mënyrë të njëanshme me ndërmarrjen e një mase preferenciale tregtare, duke tërhequr në tërësi tarifën doganore për produktet amerikane, mund të shpresojmë që i njëjti hap do të pasohet dhe do të hiqet nga administrata amerikane”, tha Zeka për REL.

Radio Evropa e Lirë ka pyetur Zyrën e Kryeministrit të Kosovës dhe Ministrinë e Industrisë, Ndërmarrësisë dhe Tregtisë nëse do të shqyrtohet kjo kërkesë dhe cilat janë mundësitë për tërheqjen e kësaj tarife, por nga këto institucione ende nuk kanë kthyer përgjigje.

Ndërkaq, Dhoma e Tregtisë dhe Industrisë në Kosovë ka pritur me shqetësim vendimin e presidentit amerikan për vendosjen e tarifës bazë prej 10 për qind.

“Ky vendim pritet ta godasë edhe më shumë eksportin, i cili nga Kosova drejt SHBA-së ka pasur ulje përgjatë muajve të fundit”, thuhet në njoftimin për media të kësaj dhome.

Dhoma e Tregtisë dhe Industrisë i ka bërë thirrje Qeverisë së Kosovës që t’iu dalë në ndihmë bizneseve që preken nga ky vendim.

Organizatat ekonomike në Kosovë thonë se nga viti 2019 ka nisur rritja e eksporteve të përgjithshme të Kosovës në SHBA.

Këtë e tregojnë edhe të dhënat e Doganës së Kosovës, sipas të cilave vlera e tyre në vitin 2019 ishte 3 milionë euro, ndërsa tre vjet më vonë arriti në mbi 131 milionë euro.

Presidentja Vjosa Osmani, me ftesë të Mbretit të Jordanisë, Abdullah II, dhe presidentit të Bullgarisë, Rumen Radev, ka udhëtuar për në Bullgari për ta përfaqësuar Kosovën krahas liderëve të tjerë në Takimin e nivelit të lartë të Procesit Aqaba për Ballkanin III, i cili do të mbahet në Sofje, përcjell albinfo.ch.

Sipas Presidencës, Osmani do të mbajë fjalim në hapje të Samitit, si dhe do të zhvillojë takime të ndara bilaterale me disa nga liderët pjesëmarrës. Gjatë këtyre takimeve do të diskutohet thellimi i marrëdhënieve bilaterale, avancimi i bashkëpunimit në fushën e sigurisë dhe forcimi i përpjekjeve të përbashkëta për stabilitetin rajonal.

Ky takim organizohet nën patronazhin e Mbretërisë Hashemite të Jordanisë dhe Republikës së Bullgarisë dhe synon të forcojë bashkëpunimin rajonal dhe ndërkombëtar në luftën kundër terrorizmit dhe ekstremizmit.

“Presidentja Osmani do të theksojë angazhimin e suksesshëm të Kosovës në luftën kundër terrorizmit dhe radikalizmit, si dhe rëndësinë e bashkëpunimit të ngushtë me aleatët dhe partnerët strategjikë. Në këtë kuadër, ajo do të riafirmojë përkushtimin e Kosovës për sigurinë rajonale dhe për forcimin e kapaciteteve të institucioneve të saj të sigurisë, në përputhje me standardet euroatlantike”, thuhet në njoftimin e Presidencës.

Sot Komisioni Qendror i Zgjedhjeve miratoi rekomandimin e Zyrës për çregjistrimin e dy partive politike: Partisë Republikane për Ndryshime dhe Shpresës Demokrate, për shkak të mospërmbushjes së obligimeve, përcjell albinfo.ch.

Drejtori i Sekretariatit të KQZ-së, Besnik Buzhala, tha se Shpresa Demokrate dhe Partia Republikane për Ndryshime nuk kanë dorëzuar raportet vjetore financiare në Zyrë, as pas afatit shtesë prej 15 ditësh.

“Duke u bazuar në nenin 18, paragrafi 1.2 të Ligjit për Zgjedhjet e Përgjithshme si dhe në Rregullën nr. 01/2024 mbi Regjistrimin dhe Funksionimin e Partive Politike, neni 6, partia politike e regjistruar duhet të dorëzojë formularin për vazhdimin e regjistrimit të saj, në formë elektronike ose në formë fizike të nënshkruar, jo më vonë se 31 marsi i vitit kalendarik. Meqenëse data 31 mars 2025 ishte festë zyrtare (dita e hënë), sipas nënparagrafit 4 të nenit 81 të Ligjit Nr. 05/L-031 për Procedurën e Përgjithshme Administrative, afati për dorëzimin e formularit të regjistrimit është shtyrë deri më 01 prill 2025.

Dy partitë politike kanë qenë të pezulluara për shkak të mosdorëzimit të raportit vjetor financiar për vitin 2024. Prandaj, duke u bazuar në paragrafin 17 të nenit 15 të Rregullores nr. 06/2024 për Menaxhimin dhe Mbikëqyrjen Financiare të Subjekteve Politike dhe sipas vendimit të KQZ-së të datës 19.03.2025, partitë “Shpresa Demokrate” (me nr. vendimi 01/748-2025) dhe “Partia Republikane për Ndryshime” (me nr. vendimi 01/748-2025) nuk kanë dorëzuar raportin vjetor financiar në Zyrë, as edhe pas afatit shtesë prej pesëmbëdhjetë (15) ditësh. Kur bëhet fjalë për diçka të rëndësishme, Zyra ka komunikim të vazhdueshëm, sidomos kur bëhet fjalë për çregjistrim të partive politike”, tha Buzhala.

“Mendoj që subjektet politike që nuk janë të përfaqësuara në Kuvend e as nuk kanë përfaqësues, Zyra duhet të ketë komunikim më ndryshe me këta. Duke qenë e nevojshme që subjektet të funksionojnë, do të votoj kundër çregjistrimit të këtyre subjekteve politike. Duhet të ndërrohet qasja”, tha Selmanaj.

Para pak orësh, Federata e Futbollit të Serbisë ka reaguar të enjten, duke thënë se ka hequr simbolet e Kosovës në Kongresin e 49-të të UEFA-s që po mbahet në Beograd, përcjell albinfo.ch.

Heqja e simboleve të shtetit të Kosovës është konfirmuar edhe nga fotot që ka publikuar agjencia “Associated Press”. Kosova tani po përfaqësohet me logon e Federatës së Futbollit.

Gjatë ditës së djeshme, janë publikuar foto e video nga Qendra e Kongresit “Sava” ku po mbahet ngjarja e UEFA-s, ku shihej kryetari i Federatës së Futbollit të Kosovës, Agim Ademi duke prekur flamurin e Kosovës. Videoja u bë virale në rrjetet sociale.

https://x.com/FootballKosovo/status/1907665686408687716?ref_src=twsrc%5Etfw%7Ctwcamp%5Etweetembed%7Ctwterm%5E1907665686408687716%7Ctwgr%5E541f75b9a2249f2fdbc81d520a37988d1bb73c08%7Ctwcon%5Es1_&ref_url=https%3A%2F%2Fwww.koha.net%2Ffutboll%2Ffederata-e-serbise-thote-se-ka-hequr-flamurin-e-kosoves-nga-kongresi-i-uefa-s

Në reagim të enjten, Federata e Serbisë e ka akuzuar Ademin se u përpoq ta shfrytëzonte ngjarjen për interesa jofutbollistike. Tutje, ata bënë të ditur se kanë hequr të gjitha simbolet që përfaqësojnë Kosovën.

“Në Beograd sot po mbahet Kongresi i 49-të i UEFA-s, një nga ngjarjet më të mëdha në vendin tonë. Organizator i Kongresit është UEFA, ndërsa Federata e Futbollit e Serbisë është mikpritëse e figurave më të rëndësishme të futbollit në Evropë dhe në botë. Një hije u hodh mbi organizimin e jashtëzakonshëm, të cilën një pjesëmarrës i Kongresit u përpoq ta shfrytëzonte për interesa jofutbollistike. Ne reaguam së bashku, shpejt dhe me vendosmëri, dhe me përgjegjësi të plotë informojmë opinionin se në Kongresin e UEFA-s sot në Beograd nuk ka asnjë simbol dhe as flamur që përfaqëson të ashtuquajturën Kosovë”, thuhet në reagimin e tyre.

Federata e Serbisë u kërkoi falje qytetarëve “të cilët u lënduan nga lëshimi i organizatorit, i cili u korrigjua menjëherë”.

“I kërkojmë falje secilit prej qytetarëve tanë dhe çdo pjesëtari të kombit tonë, veçanërisht popullit tonë në Kosovë dhe Metohi, të cilët u shqetësuan dhe u lënduan nga lëshimi i organizatorit, i cili u korrigjua menjëherë me përgjigjen tonë”, vijon reagimi i tyre.

Paradoksi në fakt është se në fjalimin hapës, presidenti i UEFA-s, Aleksandar Çeferin, foli se si futbolli evropian po i bashkon popujt dhe po thyen kufijtë e vërtetë, duke përmendur Evropianin U21 që do të organizohet nga Shqipëria dhe Serbia.

Gjatë ditës së djeshme, janë publikuar foto e video nga Qendra e Kongresit “Sava”, ku po mbahet ngjarja e UEFA-s, ku shihej kryetari i Federatës së Futbollit të Kosovës, Agim Ademi, duke prekur flamurin e Kosovës. Videoja u bë virale në rrjetet sociale.

Data 15 prill pritet të jetë datë vendimtare nëse partia fituese Vetëvendosje do të arrijë të propozoj dhe ta zgjedh kryetarin e Kuvendit për konstituimin e këtij institucioni që i hap rrugë formimit të Qeverisë së re. Ndonëse deri më tash VV-ja nuk e ka bërë të ditur emrin e kandidatit të saj për kryeparlamentar,  RTV21 merr vesh nga burimet brenda VV-së se në këtë parti është duke u diskutuar emri i Saranda Bogujevcit si zëvendësim i Glauk Konjufcës nëse ky i fundit tërhiqet nga kandidatura. Presidentja Vjosa Osmani e cila e ka thirrur seancën konstituive tha se partitë politike kanë kohë të mjaftueshme për kalkulimet e tyre, përcjell albinfo.ch. 

”Kjo varët terësisht nga deputetet e Kuvend të Kosovës. Si presidente përgjegjësitë e mia kushtetuese janë që ta thërras këtë seancë konstituive. Besoj se që nga dita e certifikimit të rezultateve e deri në momentin kur mbahet seanca konstituive ka kohë të mjaftueshme për partitë politike që t’i kryejnë  diskutimet e nevojshme. Unë iu uroj sukses partive politike, i uroj sukses Kuvendit që ai proces të shkoj sa më mirë dhe që konstituimi  të kryhet po me atë datë’’, tha Osmani.

Presidentja Osmani bëri thirrje që të mos ketë zvarritje të krijimit të institucioneve të Kuvendit dhe të Qeverisë.

‘’ ‘Është më rëndësi për qytetarët e Kosovës, ju po i shihni zhvillimet gjeopolitike, nuk është që globi na pret neve kështu që është më rëndësi sa më parë që të jetë e mundur, brenda afateve kushtetuese të kemi qeverinë e Republikës, së pari konsitutimin e Kuvendin që është hap i parë e pastaj qeverinë e Republikës së Kosovës. Një kuvend funksional që e kryen edhe punën e mbikëqyrjes në raport me qeverinë, sepse Kosova ka shumë punë për të bërë, prandaj edhe njëherë unë dua të u uroj suksese deputetëve të Kuvendit të Kosovës’’, tha Presidentja Osmani.

Deklarata e presidentes Osmani për krijimin e institucioneve vjen pasi edhe Sekretari i Jashtëm i Mbretërisë së Bashkuar, David Lammy, tha se krijimi sa më shpejtë i tyre është esenciale.

“E mirëpres progresin pozitiv që keni arritur në procesin zgjedhor në shkurt dhe shpresoj që do të vazhdohet se shpejti për të formuar qeverinë e re që është esenciale në këto momente sfiduese”, deklaroi Lammy.

Por, mungesa e bisedimeve midis partive politike për krijimin e institucioneve ka shtuar zërat se mund të ketë zvarritje në formimin sidomos të Qeverisë së re. Presidentja Osmani tha se ajo nuk përzihet në bisedimet e partive politike për çështjen e koalicioneve. Thumboi presidentet e kaluar për përfshirje të tillë.

‘‘Siç e dini si presidente nuk kam të drejtë vote, dhe pavarësisht që në të kaluarën mund të ketë pasur president që janë përzier në çështje të koalicioneve unë i konsideroj ato çështje partiake që sipas Kushtetutës nuk janë detyrë e imja, por jam besimplotë që institucionet përkatëse përkatësisht deputetët e Kuvendit të Kosovës do të bëjnë çmos që kjo të jetë seancë e suksesshme’’, tha Osmani.

Ndërkohë, avokati Ardian Bajraktari sqaron afatet kushtetuese pas caktimit të seancës konstituive nga presidentja Osmani.

Për zgjedhjen e kryetarit të Kuvendit PDK-ja e ka lënë të hapur mundësinë e mbështetjes së kandidatit të VV-së për këtë post. Kandidati për kryeministër nga PDK Bedri Hamza ka thënë se kjo parti nuk e bllokon konstituimin e Kuvendit duke e ditur se në bazë të interpretimit kushtetuese partisë fituese pra Vetëvendosjes i takon propozimi.

Dje, presidenti i Shteteve të Bashkuara, Donald Trump, njoftoi se SHBA-ja do të vendosë një tarifë bazë prej 10 për qind për importet nga të gjitha vendet e botës, përfshirë nga Kosova.

Margarita Xhepa, lindi më 2 prill 1934, teksa një ditë më parë festoi ditëlindjen. Gjatë karrierës së saj, ajo ka realizuar mbi 150 role në teatër dhe 32 role në kinematografi.

Ikona shqiptare e kinematografisë është konsideruar si një nga Zonjat e Mëdha të teatrit dhe filmit shqiptar, që startuan më ’60 dhe vijuan ndër vite.

Në vitin 2003, Xhepa u nderua me titullin “Nderi i Kombit”, një vlerësim për kontributin e saj të jashtëzakonshëm në art dhe kulturë. Ajo gjithashtu mbante titullin “Artiste e Popullit” dhe kishte lënë një ndikim të thellë në çdo brez që ka ndjekur punën e saj.

Veç suksesit me veprat e shumta të dramaturgëve shqiptarë, Margarita Xhepa ka korrur sukses edhe në rolet e dramaturgjisë botërore si, Ofelia tek “Hamleti”, vajza e dytë tek “Mbreti Lir”, dadoja tek “Romeo e Zhuljeta”, mbretëresha Margaret tek “Rikardi III”, Ledi Milfordin në dramën “Intrige e dashuri” (F. Shiler), Melën në dramën “Morali i zonjës Dulska” (G. Zapolska), Dafinën në dramatizimin e romanit “Lumi i vdekur” (J. Xoxa) dhe nënën në inskenimin e romanit të Kadaresë, “Kush e solli Doruntinën” etj.

Në vitin 2007 iu dha “Çmimi i Karrierës” për rolin e Nadjezhnës në monodramën “Kënga e mjellmës” së Çehovit.

Krahas teatrit, Xhepa është shfaqur në ekranin e filmit me një galeri të larmishme prej 32 rolesh. Disa prej personazheve që interpretoi mjeshtërisht janë Zyraka te “Vitet e para” (1965), Shano te “Dimri i fundit” (1976), pianistja te “Koncert në vitin 1936” (1978) dhe Lena te “Tokë e përgjakur” (1976).

Në një karrierë që përfshinte mbi 7 dekada, Margarita Xhepa mbeti gjithmonë besnike pasionit të saj për teatrin dhe filmin, duke u bërë një shembull për brezat e rinj të artistëve.

Pas takimit, Duda Balje nga Bashkimi Social Demokrat (SDU) ka thënë se nuk ia ka dhënë konfirmimin kryeministrit në detyrë Albin Kurti nëse do ta mbështesë për mandat të tretë.

Sipas saj, kryeministri nuk konfirmoi nëse do t’i plotësojë kërkesat e boshnjakëve, përcjell albinfo.ch.

Ajo ka lënë të hapur mundësinë e pajtimit në takimet e ardhshme para seancës konstituive që pritet të mbahet më 15 prill.

“Sot u takova me kryeministrin, i parashtrova kërkesat që kemi si boshnjakë, nuk kemi marrë konfirmim dhe nuk kemi dhënë konfirmim. Është takimi i parë. Jemi në fazën e bisedimeve”, ka thënë ajo të enjten pas takimit me Kurtit.

Kërkesat e Baljes janë krijimi i një komune boshnjake, reforma në arsim dhe tretmani i barabartë me të gjitha partitë e tjera që kanë nga një deputet.

Balje ka konfirmuar se ka biseduar edhe me partitë opozitare. Edhe për to, kërkesat janë të njëjta.

Kurti gjatë ditës së djeshme ka nisur konsultimet me pakicat për formimin e qeverisë së re. Votat pro ia kanë konfirmuar Emilija Rexhepi, Nenad Rashiq dhe Elbert Krasniqi. Të tre kishin post në qeverinë e kaluar dhe do të përfaqësohen me një deputet, aq sa ka edhe SDU-ja e Baljes.