Çdo minutë ka diçka për të filmuar

Mbi 3 300 like tashmë Igor Desku (27-vjeçar) i ka mbledhur në faqen e tij në Facebook mw emërtimin “Welcome to the Jungle – Langastrasse Standarts”, të cilën e ka themeluar para tri javësh

Truproja e lokaleve, shqiptari Igor Desku, e ka themeluar një faqe grupore në “Facebook”, në të cilën ai poston ngjarje qesharake të cilat ndodhin në rrugën Langstrasse në Cyrih. Ajo është një pasqyrë e jetës së përditshme të “Chreis Cheib”, përcjell albinfo.ch.

Mbi 3 300 like tashmë Igor Desku (27-vjeçar) i ka mbledhur në faqen e tij në Facebook mw emërtimin “Welcome to the Jungle – Langastrasse Standarts”, të cilën e ka themeluar para tri javësh. “Suksesi më bën shumë të lumtur”, thotë ai për “Blick”.
Ideja e truprojës i erdhi në një lokal të njohur në lagjen Langstasse të Cyrihut, sepse çdo ditë sheh ngjarje interesante dhe qesharake që ndodhin. “Unë kam bërë gjithmonë video të tilla”. Në videoincizimet e tij mund të shihen se si të dehurit tregojnë barsoleta, si të rinjtë flenë nëpër ulëset e rrugëve apo si bëhet muzikë “live” në Langstrasse.

Nuk dua askënd ta turpëroj

Igori është  thuajse gjysmën e natës deri në mesditë në vendin e tij të punës. “Unë çdo minutë mund të filmoj diçka dhe këtë çdo ditë të javës. Por unë gjithashtu duhet të punoj”. Vetëm rrahjet që bëhen aty, ai nuk i publikon në faqen e tij.

Njerëzit e dinë që ai po i filmon, thotë Igor Desku. “Unë nuk dua askënd ta turpëroj”, këmbëngul ai. “Nëse dikush më lutet që ta fshij videon apo foton, unë e bëj atë”.  Këtë ai gjithmonë e ka në mendje. “Secili e ka jetën në dorën e vet”, njofton albinfo.ch.

Për faktin që te disa persona duhet pasur kujdes dhe mëshirë, edhe ai është i vetëdijshëm.  “Disa kanë një fat të vështirë dhe përfundojnë në këtë rrugë”. Por Igor Desku ka mëshirë për njerëz të tillë dhe filmimet e tij i kanë edhe kufijtë e saj. “Nëse dikush është i uritur, shkoj me të për të ngrënë dhe ia paguaj ushqimin”, thotë Igor Desku.