Bizneset në Kosovë: Rreth 15 milionë euro humbje vetëm në fundjavë

Kryetari i Odës Ekonomike të Kosovës, Berat Rukiqi, në një konferencë për media ka thënë se të gjitha masat e Qeverisë të ndërmarra pa koordinim me bizneset kanë pasur dëme të mëdha kolaterale, ku bzneset po i paguajnë faturat e pandemisë.

Sipas Rukiqit, këtë fundjavë janë të mbyllur rreth 20 mijë biznese, ku humbjet janë rreth 10-15 milionë euro.

“Sot janë të mbyllura 20 mijë biznese që nuk do të punojnë gjatë vikendit dhe që do të kenë humbje rreth 10-15 milionë humbje në ditë”, ka theksuar Rukiqi, shkruan Albinfo.ch.

Sipas kreut të OEK-ut, paratë që kosovarët nuk do të mund t’i shpenzojnë në Kosovë për fundjavë, do të destinohen në vendet fqinje të rajonit.