Bill Gates parashikon: 2 ditë punë në javë, falë Inteligjencës Artificiale

@Envato

Bill Gates parashikon një të ardhme të ndryshuar për botën e punës. Sipas tij, brenda dhjetë viteve, inteligjenca artificiale do të ketë një ndikim të tillë sa që shumica e punëve do t’i përfundojnë robotët dhe AI, duke e bërë të mundur që njerëzit të punojnë vetëm dy ditë në javë, ndërsa pjesa tjetër të jetë kohë për relaks dhe aktivitete të tjera.

Gates thekson se kjo mund të sjellë një periudhë të re, ku shoqëria duhet të rishikojë mënyrën si do të shpenzohet kjo kohë e lirë. Ai sugjeron se AI mund të mbushë boshllëqet në fusha si mjekësia dhe arsimi, duke ofruar shërbime më të besueshme dhe duke eliminuar problemet me mungesën e stafit.

Ky ndryshim do të sillte një “luks të bollëkut”, ku robotët do të marrin përsipër punët fizike, duke u dhënë mundësinë njerëzve të përqendrohen në aktivitete më të thella dhe diskutime për mënyrën si do të shpërndahen përfitimet nga një fundjavë pesë-ditore.