BIK-u uron Muajin e Ramazanit, kërkohet që Kosova të bëhet vend i punës dhe dinjitetit

Myftiu i Kosovës, Naim Ternava, ka uruar Muajin e Ramazanit në emër të Bashkësisë Islame të Kosovës.

Me anë të një komunikate myftiu u uron të gjithë besimtarëve myslimanë në botë muajin e shenjtë të Ramazanit.

“Më lejoni që në emër të Bashkësisë Islame të Kosovës, institucioneve të saja dhe në emrin tim personal t’ju drejtohem me përgëzimet më të mira, duke ju dëshiruar që këtë muaj ta përjetoni me të gjitha mirësitë e begatitë e tij”, thuhet në urimin e BIK-ut.

Gjithashtu Myftiu Ternava tha edhe se Kosova duhet të bëhet një vend ku mund të jetohet dhe punohet me dinjitet.

“Po ashtu, në prag të muajit të madhëruar të Ramazanit ftoj të gjithë faktorët tanë institucionalë që të ruajnë unitetin veprues në dobi të atdheut e qytetarëve tanë. Ftoj që të bëhet më shumë që shteti ynë të jetë vend ku mund të jetohet e punohet me dinjitet. E kemi për obligim që brezit të ri t’i sigurojmë perspektivë në vendin tonë e jo t’i bëjmë ata që të ikin nga vendi ynë në mungesë të perspektivës”, thuhet në komunikatën e dërguar nga Bashkësia Islame e Kosovës”, thuhet në njoftim.