Bie numri i viktimave nga koronavirusi në Itali

EPA/RICCARDO ANTIMIANI

Italia gjatë 24 orëve të fundit ka shënuar 99 vdekje të reja nga koronavirusi, numër ky më i ulët krahasuar me 145 viktima që ishin një ditë më parë.

Kjo është hera e parë që prej 9 marsit që Italia regjistron më pak se 100 viktima në ditë nga Covid-19.

Po ashtu në 24 orët e fundit u shënuan edhe 451 raste të reja me koronavirus – shifra më e ulët me të infektuar brenda një dite që prej 2 marsit.

Në total, në Itali 225,886 persona janë infektuar me COVID-19. Ndërkaq, sipas shifrave të fundit 32,007 persona kanë vdekur nga koronavirusi, duke e bërë këtë vend shtetin e tretë në botë me numrin më të madh të viktimave nga koronavirusi, pas Shteteve të Bashkuara dhe Britanisë, përcjell Albinfo.ch.