Biden: 70% e amerikanëve, të vaksinuar deri më 4 korrik

(AP Photo/Paul Sancya

Presidenti Joe Biden njoftoi të martën qëllimin për të vaksinuar të paktën me një dozë 70 për qind të amerikanëve të rritur brenda datës 4 korrik, që është edhe Dita e Pavarësisë së Shteteve të Bashkuara.

Në një konferencë shtypi, Biden u bëri thirrje të rinjve në të njëzetat dhe të tridhjetat që të marrin vaksinën.

“Synimi ynë deri më 4 korrik është të kemi 70% të amerikanëve të rritur të vaksinuar të paktën një herë dhe 160 milionë amerikanë të vaksinuar plotësisht. Kjo do të thotë t’i afrohemi kuotës së 100 milionë vaksinimeve, disa për herë të parë dhe disa për herë të dytë, brenda 60 ditëve”, u shpreh Joe Biden, president i Shteteve të Bashkuara.