Belgjika e bën të detyrueshme maskën edhe në rrugë

Numri i infeksioneve në Belgjikë është rritur sërish kohëve të fundit në mënyrë të konsiderueshme

Në Belgjikë, kanë hyrë në fuqi masat e reja për shkak të rritjes së numrit të infeksioneve me Covid 19. Nga kjo e shtunë e tutje, maskat duhet të vihen edhe në tregje, rrugët tregtare dhe në ndërtesat publike, shkruan srf.ch.

Për më tepër, informacionet e kontaktit të mysafirëve në lokalet hoteliere ruhen për 14 ditë. Detyrimi për maskë ekziston edhe në lokalet në fjalë, por vetëm para se vizitorët të ulen në tryezë, transmeton albinfo.ch

Numri i infeksioneve në Belgjikë është rritur sërish kohëve të fundit në mënyrë të konsiderueshme. Rreth 216 raste të reja Covid 19 janë numëruar çdo ditë midis 15 dhe 21 korrikut, një rritje kjo prej 63 për qind në krahasim me shtatë ditët e mëparshme.

Numri i përgjithshëm i rasteve të konfirmuara në Belgjikë është pak nën 65.200 ndërsa numri i vdekjeve i raportuar për herë të fundit ka qenë 9817.

Belgjika ka pasur numrin më tüë madh të të vdekurve në Evropë në raport me popullatën.

---