Bankat e huaja ikin nga Zvicra

Numri i bankave të huaja ka rënë në nivelin më të ulët që nga viti 1987 në Zvicër

Në shumicën e rasteve këto banka nuk janë likuiduar, por janë bashkuar me institucione të tjera financiare. “Lloyds Banking Group” nga Britania është blerë nga „Union Bancaire Privée“ (UBP) në Gjenevë. 

ING Bank, një tjetër institut financiar holandez, është zhdukur nga tregu financiar në vitin 2010. Ajo i është bashkëgjitur bankës „Julius Baer“.

Janë shumë arsye pse bankat e huaja braktisin Zvicrën. 

Diskutimet rreth „oazës fiskale“ në lidhje me rastin “Offshore Leaks” për  llogaritë e huaja bankare – është një arsye pse numri i bankave të huaja zvogëlohet. 

Ekspertët  financiarë parashikojnë një tërheqje të mëtejshme të bankave të huaja nga Zvicra, transmeton 20min. 

Nuk është zvogëluar vetëm numri i bankave të huaja, por edhe paratë në llogaritë e tyre. 

Raportohet për 70 miliardë më pak nëse krahasohen me vitin 2008, kur ishin në qarkullim rreth 940 miliardë franga në Zvicër nga bankat e huaja. Por, në fund të 2012-ës ishin vetëm 870 miliardë që do të thotë 70 miliardë më pak se 5 vjet më parë