“Ballisti”, nga qelia në arrest shtëpiak

Gjykata e Lartë e Shqipërisë ka rrëzuar vendimin e Gjykatës së Tiranës për Ismail Morinën-Ballistin. Nga qelia ai dërgohet në arrest shtëpiak

Gjykata e Lartë e Shqipërisë ia ka zbutur dënimin Ismail Morinës- Ballistit, nga burgu në qeli me arrest shtëpiak. Personi më i popullarizuar dhe më i dashur nga tifozët e Kombëtares Shqiptare “Kuq e Zi” është arrestuar dy ditë para ndeshjes eliminatore Shqipëri-Serbi e vlefshme për Franca 2016.

Morina u arrestua në tetor të këtij viti, nën akuzën e armëmbajtjes pa leje. Në makinën me të cilën udhëtonte Morina u gjetën dy pistoleta, plumba, dhe 36 bileta për ndeshjen, ku fitoi Serbia.

Gjykata e Tiranës më herët ka shpallur arrest me burg për të, ndërkohë që për tre shokët të cilët kishin dijeni për armët e Morinës, u deklarua masa e detyrimit me paraqitje. Me këtë vendim Gjykata e Lartë ka rrëzuar vendimin e mëparshëm që e detyronte atë të qëndronte në arrest me burg ndërkohë që vijonin hetimet.

Lirimin e “Ballistit” e kanë kërkuar shumë tifozë, por edhe lojtarët e kombëtares shqiptare. Shumë nga lojtarët postuan fotot me Morinën. Ai i bë u famshëm me ngritjen e dronit me flamurin “autoctonus” në stadiumin e Partizanit në Beograd, një ndeshje që ndërpre nga dhuna e tifozëve serbë.